ادب ہی زندگی میں جب نہ آیا
ادب میں اتنی محنت کس لئے ہے

عطا عابدی

---

---

خواب ہی خواب کی تعبیر ہوا تو جانا
زندگی کیوں کسی آنکھوں کے اثر میں آئی

عطا عابدی

---

---

کسی کے جسم و جاں چھلنی کسی کے بال و پر ٹوٹے
جلی شاخوں پہ یوں لٹکے کبوتر دیکھ آیا ہوں

عطا عابدی

---

---

کوئی بھی خوش نہیں ہے اس خبر سے
کہ دنیا جلد لوٹے گی سفر سے

عطا عابدی

---

---

سب خواب پرانے ہیں ہر چند فسانے ہیں
ہم روز بساتے ہیں آنکھوں میں نئی دنیا

عطا عابدی

---

---

صبر کی حد بھی تو کچھ ہوتی ہے
کتنا پلکوں پہ سنبھالوں پانی

عطا عابدی

---

---

ضرورت ڈھل گئی رشتے میں ورنہ
یہاں کوئی کسی کا اپنا کب ہے

عطا عابدی

---

---