یہ گرم گرم سے آنسو بتا رہے ہیں یہی
ضرور آگ کہیں دل کے آس پاس لگی

اجیت سنگھ حسرت

---

---

آغاز محبت میں عاجزؔ رکتی نہ تھی موج اشک رواں
انجام اب ان خشک آنکھوں سے اک اشک نکلنا مشکل ہے

عاجز ماتوی

---

---

ایک ہم ہیں ہم نے کشتی ڈال دی گرداب میں
ایک تم ہو ڈرتے ہو آتے ہوئے ساحل کے پاس

عاجز ماتوی

---

---

حسرتیں آ آ کے جمع ہو رہی ہیں دل کے پاس
کارواں گویا پہنچنے والا ہے منزل کے پاس

عاجز ماتوی

---

---

ہو بجلیوں کا مجھ سے جہاں پر مقابلہ
یارب وہیں چمن میں مجھے آشیانہ دے

عاجز ماتوی

---

---

ہوتا ہے محسوس یہ عاجزؔ شاید اس نے دستک دی
تیز ہوا کے جھونکے جب دروازے سے ٹکراتے ہیں

عاجز ماتوی

---

---

انسان حادثات سے کتنا قریب ہے
تو بھی ذرا نکل کے کبھی اپنے گھر سے دیکھ

عاجز ماتوی

---

---