مصلحت کا یہی تقاضا ہے
وہ نہ مانیں تو مان جاؤ تم

آتش بہاولپوری

---

---

مجھے بھی اک ستم گر کے کرم سے
ستم سہنے کی عادت ہو گئی ہے

آتش بہاولپوری

---

---

مخالفوں کو بھی اپنا بنا لیا تو نے
عجیب طرح کا جادو تری زبان میں تھا

آتش بہاولپوری

---

---

تمہیں تو اپنی جفاؤں کی خوب داد ملی
مری وفاؤں کا مجھ کو کوئی صلہ نہ ملا

آتش بہاولپوری

---

---

امید ان سے وفا کی تو خیر کیا کیجے
جفا بھی کرتے نہیں وہ کبھی جفا کی طرح

آتش بہاولپوری

---

---

یہ مے خانہ ہے مے خانہ تقدس اس کا لازم ہے
یہاں جو بھی قدم رکھنا ہمیشہ با وضو رکھنا

آتش بہاولپوری

---

---

یہ ساری باتیں ہیں درحقیقت ہمارے اخلاق کے منافی
سنیں برائی نہ ہم کسی کی نہ خود کسی کو برا کہیں ہم

آتش بہاولپوری

---

---