اپنے چہرے سے جو زلفوں کو ہٹایا اس نے
دیکھ لی شام نے تابندہ سحر کی صورت

آتش بہاولپوری

---

---

چارہ سازوں کی چارہ سازی سے
اور بیمار کی دشا بگڑی

آتش بہاولپوری

---

---

در حقیقت اتصال جسم و جاں ہے زندگی
یہ حقیقت ہے کہ ارباب ہمم کے واسطے

آتش بہاولپوری

---

---

غم و الم بھی ہیں تم سے خوشی بھی تم سے ہے
نوائے سوز میں تم ہو صدائے ساز میں تم

آتش بہاولپوری

---

---

گلہ مجھ سے تھا یا میری وفا سے
مری محفل سے کیوں برہم گئے وہ

آتش بہاولپوری

---

---

جو چاہتے ہو بدلنا مزاج طوفاں کو
تو ناخدا پہ بھروسا کرو خدا کی طرح

آتش بہاولپوری

---

---

خوگر لذت آزار تھا اتنا آتشؔ
درد بھی مانگا تو پہلے سے سوا مانگا تھا

آتش بہاولپوری

---

---