جو تیرے گنہ بخشے گا واعظ وہ مرے بھی
کیا تیرا خدا اور ہے بندہ کا خدا اور

منشی دیبی پرشاد سحر بدایونی

---

---

کافر ہو پھر جو شرع کا کچھ بھی کرے خیال
جب جام بھر کے ہاتھ سے یار اپنے دے شراب

منشی دیبی پرشاد سحر بدایونی

---

---

ملک الموت موذن ہے مرا وصل کی رات
دم نکل جاتا ہے جب وقت اذاں آتا ہے

منشی دیبی پرشاد سحر بدایونی

---

---

نہ لڑاؤ نظر رقیبوں سے
کام اچھا نہیں لڑائی کا

منشی دیبی پرشاد سحر بدایونی

---

---

قشقہ نہیں پیشانی پہ اس ماہ جبیں کے
اللہ نے یہ حسن کے خرمن کو ہے چانکا

منشی دیبی پرشاد سحر بدایونی

---

---

شاید مزاج ہم سے مکدر ہے یار کا
لکھا ہے اس نے ہم کو بہ خط غبار خط

منشی دیبی پرشاد سحر بدایونی

---

---

ادب بخشا ہے ایسا ربط الفاظ مناسب نے
دو زانو ہے مری طبع رسا ترکیب اردو سے

منشی خیراتی لال شگفتہ

---

---