ادب بخشا ہے ایسا ربط الفاظ مناسب نے
دو زانو ہے مری طبع رسا ترکیب اردو سے

منشی خیراتی لال شگفتہ

---

---

بہ شکل ناخن انگشت سر کٹانے سے
حیات ملتی ہے جب انتقال ہوتا ہے

منشی خیراتی لال شگفتہ

---

---

دیکھو نگاہ شوق سے میری طرف مجھے
یہ مدعا ہے اور کوئی مدعا نہیں

منشی خیراتی لال شگفتہ

---

---

دل ہے نثار مردمک چشم دوست پر
بیمار کو ہے مردم بیمار سے غرض

منشی خیراتی لال شگفتہ

---

---

ہٹ نہ کر اے دخت رز بیتابیاں بڑھ جائیں گی
گر پڑے گی پاؤں پر دستار مینا دیکھنا

منشی خیراتی لال شگفتہ

---

---

جو حسن و عشق کا ہم وزن امتحاں ٹھہرا
وہ بے دہن نظر آیا میں بے زباں ٹھہرا

منشی خیراتی لال شگفتہ

---

---

میں وہ شیدائے گیسو ہوں کہ اکثر موسم گل میں
مرا پائے نظر پڑتا ہے زنجیر گلستاں پر

منشی خیراتی لال شگفتہ

---

---