جب میں کہتا ہوں کہ نادم ہو کچھ اپنے ظلم پر
سر جھکا کر کہتے ہیں شرم و حیا سے کیا کہیں

مرزا آسمان جاہ انجم

---

---

جو کیا میں نے وہ سب کچھ تھا برا
آپ نے جو کچھ کیا اچھا کیا

مرزا آسمان جاہ انجم

---

---

خزاں رخصت ہوئی پھر آمد فصل بہاری ہے
گریباں خود بخود ہونے لگا ہے دھجیاں میرا

مرزا آسمان جاہ انجم

---

---

خدا کا گھر بھی ہے دل میں بتوں کی چاہ بھی ہے
صنم کدہ بھی ہے دل اپنا خانقاہ بھی ہے

مرزا آسمان جاہ انجم

---

---

خود بہ خود یک بہ یک چلے آئے
میں تو آنکھیں تلک بچھا نہ سکا

مرزا آسمان جاہ انجم

---

---

کچھ کہانی نہیں مرا قصہ
تم سنو اور کہا کرے کوئی

مرزا آسمان جاہ انجم

---

---

کچھ نہیں معلوم ہوتا دل کی الجھن کا سبب
کس کو دیکھا تھا الٰہی بال سلجھاتے ہوئے

مرزا آسمان جاہ انجم

---

---