تو ہے ہرجائی تو اپنا بھی یہی طور سہی
تو نہیں اور سہی اور نہیں اور سہی

غلام مولیٰ قلق

---

---

اس سے نہ ملیے جس سے ملے دل تمام عمر
سوجھی ہمیں بھی ہجر میں آخر کو دور کی

غلام مولیٰ قلق

---

---

واعظ نے میکدے کو جو دیکھا تو جل گیا
پھیلا گیا چراند شراب طہور کی

غلام مولیٰ قلق

---

---

واعظ یہ مے کدہ ہے نہ مسجد کہ اس جگہ
ذکر حلال پر بھی ہے فتویٰ حرام کا

غلام مولیٰ قلق

---

---

وہ سنگ دل انگشت بدنداں نظر آوے
ایسا کوئی صدمہ مری جاں پر نہیں ہوتا

غلام مولیٰ قلق

---

---

وہ ذکر تھا تمہارا جو انتہا سے گزرا
یہ قصہ ہے ہمارا جو ناتمام نکلا

غلام مولیٰ قلق

---

---

زہے قسمت کہ اس کے قیدیوں میں آ گئے ہم بھی
ولے شور سلاسل میں ہے اک کھٹکا رہائی کا

غلام مولیٰ قلق

---

---