chand bhi hairan dariya bhi pareshani mein hai
aks kis ka hai ki itni raushni pani mein hai

Farhat Ehsas

---

---

dar-asl is jahan ko zarurat nahin meri
har-chand is jahan ke liye na-guzir main

Farhat Ehsas

---

---

dhup boli ki main aabai watan hun tera
main ne phir saya-e-diwar ko zahmat nahin di

Farhat Ehsas

---

---

do alag lafz nahin hijr o visal
ek mein ek ki goyai hai

Farhat Ehsas

---

---

duniya se kaho jo use karna hai wo kar le
ab dil mein mere wo alal-elan rahega

Farhat Ehsas

---

---

ek bar us ne bulaya tha to masruf tha main
jite-ji phir kabhi bari hi nahin aai meri

Farhat Ehsas

---

---

ek bose ke bhi nasib na hon
honTh itne bhi ab gharib na hon

Farhat Ehsas

---

---