jo ishq chahta hai wo hona nahin hai aaj
KHud ko bahaal karna hai khona nahin hai aaj

Farhat Ehsas

---

---

kabhi is raushni ki qaid se bahar bhi niklo tum
hujum-e-husn ne sara sarapa gher rakkha hai

Farhat Ehsas

---

---

kaun si aisi KHushi hai jo mili ho ek bar
aur ta-umr hamein jis ne aziyyat nahin di

Farhat Ehsas

---

---

kis ki hai ye taswir jo banti nahin mujh se
main kis ka taqaza hun ki pura nahin hota

Farhat Ehsas

---

---

kisi haalat mein bhi tanha nahin hone deti
hai yahi ek KHarabi meri tanhai ki

Farhat Ehsas

---

---

kya badan hai ki Thaharta hi nahin aankhon mein
bas yahi dekhta rahta hun ki ab kya hoga

Farhat Ehsas

---

---

log yun jate nazar aate hain maqtal ki taraf
masale jaise rawana hon kisi hal ki taraf

Farhat Ehsas

---

---