us ke bare mein bahut sochta hun
mujh se bichhDa to kidhar jaega

Farhat Abbas Shah

---

---

use ziyaada zarurat thi ghar basane ki
wo aa ke mere dar-o-baam le gaya mujh se

Farhat Abbas Shah

---

---

aa mujhe chhu ke hara rang bichha de mujh par
main bhi ek shaKH si rakhta hun shajar karne ko

Farhat Ehsas

---

---

aaankhon ki pyaliyon mein barish machi hui hai
sahra mein koi manzar shadab aa raha hai

Farhat Ehsas

---

---

aankh bhar dekh lo ye virana
aaj kal mein ye shahr hota hai

Farhat Ehsas

---

---

ab dekhta hun main to wo asbab hi nahin
lagta hai raste mein kahin khul gaya badan

Farhat Ehsas

---

---

ai KHuda meri ragon mein dauD ja
shaKH-e-dil par ek hari patti nikal

Farhat Ehsas

---

---