ye zindagi bhi koi zindagi hui 'bismil'
na ro sake na kabhi hans sake Thikane se

Bismil Azimabadi

---

---

ab wada-e-farda mein kashish kuchh nahin baqi
dohrai hui baat guzarti hai giran au

Bismil Sabri

---

---

jab aaya id ka din ghar mein bebasi ki tarah
to mere phul se bachchon ne mujh ko gher liya

Bismil Sabri

---

---

nikal ke aa to gaya gahre paniyon se magar
kai tarah ke sarabon ne mujh ko gher liya

Bismil Sabri

---

---

wo aks ban ke meri chashm-e-tar mein rahta hai
ajib shaKHs hai pani ke ghar mein rahta hai

Bismil Sabri

---

---

do din mein ho gaya hai ye aalam ki jis tarah
tere hi iKHtiyar mein hain umr bhar se hum

Bismil Saeedi

---

---

dohrai ja sakegi na ab dastan-e-ishq
kuchh wo kahin se bhul gae hain kahin se hum

Bismil Saeedi

---

---