idhar udhar meri aankhen tujhe pukarti hain
meri nigah nahin hai zaban hai goya

Bismil Saeedi

---

---

ishq bhi hai kis qadar bar-KHud-ghalat
un ki bazm-e-naz aur KHuddariyan

Bismil Saeedi

---

---

kabe mein musalman ko kah dete hain kafir
but-KHane mein kafir ko bhi kafar nahin kahte

Bismil Saeedi

---

---

kisi ke sitam is qadar yaad aae
zaban thak gai mehrban kahte kahte

Bismil Saeedi

---

---

kiya tabah to dilli ne bhi bahut 'bismil'
magar KHuda ki qasam lucknow ne luT liya

Bismil Saeedi

---

---

mere dil ko bhi paDa rahne do
chiz rakkhi hui kaam aati hai

Bismil Saeedi

---

---

mohabbat mein KHuda jaane huin ruswaiyan kis se
main un ka nam leta hun wo mera nam lete hain

Bismil Saeedi

---

---