na apne zabt ko ruswa karo sata ke mujhe
KHuda ke waste dekho na muskura ke mujhe

Bismil Azimabadi

---

---

ahraw-e-rah-e-mohabbat rah na jaana rah mein
lazzat-e-sahra-nawardi duri-e-manzil mein hai

Bismil Azimabadi

---

---

sauda wo kya karega KHaridar dekh kar
ghabra gaya jo garmi-e-bazar dekh ka

Bismil Azimabadi

---

---

tum sun ke kya karoge kahani gharib ki
jo sab ki sun raha hai kahenge usi se hum

Bismil Azimabadi

---

---

ugal na sang-e-malamat KHuda se Dar naseh
milega kya tujhe shishon ke TuT jaane se

Bismil Azimabadi

---

---

waqt aane de dikha denge tujhe ai aasman
hum abhi se kyun bataen kya hamare dil mein hai

Bismil Azimabadi

---

---

ye kah ke deti jati hai taskin shab-e-firaq
wo kaun si hai raat ki jis ki sahar na ho

Bismil Azimabadi

---

---