simTa tera KHayal to dil mein sama gaya
phaila to is qadar ki samundar laga mujhe

Bismil Aghai

---

---

allah tere hath hai ab aabru-e-shauq
dam ghuT raha hai waqt ki raftar dekh ka

Bismil Azimabadi

---

---

'bismil' buton ka ishq mubarak tumhein magar
itne niDar na ho ki KHuda ka bhi Dar na ho

Bismil Azimabadi

---

---

dastan puri na hone pai
zindagi KHatm hui jati hai

Bismil Azimabadi

---

---

dekha na tum ne aankh uTha kar bhi ek bar
guzre hazar bar tumhaari gali se hum

Bismil Azimabadi

---

---

ek din wo din the rone pe hansa karte the hum
ek ye din hain ki ab hansne pe rona aae hai

Bismil Azimabadi

---

---

ghairon ne ghair jaan ke hum ko uTha diya
baiThe jahan bhi saya-e-diwar dekh ka

Bismil Azimabadi

---

---