kaghaz mein dab ke mar gae kiDe kitab ke
diwana be-paDhe-likhe mashhur ho gaya

Bashir Badr

---

---

kabhi kabhi to chhalak paDti hain yunhi aankhen
udas hone ka koi sabab nahin hota

Bashir Badr

---

---

kabhi main apne hathon ki lakiron se nahin uljha
mujhe malum hai qismat ka likkha bhi badalta hai

Bashir Badr

---

---

kabhi to aasman se chand utre jam ho jae
tumhaare nam ki ek KHub-surat sham ho jae

Bashir Badr

---

---

kabhi to sham Dhale apne ghar gae hote
kisi ki aankh mein rah kar sanwar gae hote

Bashir Badr

---

---

kabhi yun bhi aa meri aankh mein ki meri nazar ko KHabar na ho
mujhe ek raat nawaz de magar is ke baad sahar na ho

Bashir Badr

---

---

kamre viran aangan KHali phir ye kaisi aawazen
shayad mere dil ki dhaDkan chuni hai in diwaron mein

Bashir Badr

---

---