KHuda aise ehsas ka nam hai
rahe samne aur dikhai na de

Bashir Badr

---

---

KHuda hum ko aisi KHudai na de
ki apne siwa kuchh dikhai na de

Bashir Badr

---

---

KHuda ki itni baDi kaenat mein main ne
bas ek shaKHs ko manga mujhe wahi na mila

Bashir Badr

---

---

kisi ne chum ke aankhon ko ye dua di thi
zamin teri KHuda motiyon se nam kar de

Bashir Badr

---

---

kitni sachchai se mujh se zindagi ne kah diya
tu nahin mera to koi dusra ho jaega

Bashir Badr

---

---

koi baadal ho to tham jae magar ashk mere
ek raftar se din raat barabar barse

Bashir Badr

---

---

koi hath bhi na milaega jo gale miloge tapak se
ye nae mizaj ka shahr hai zara fasle se mila karo

Bashir Badr

---

---