hath mein chand jahan aaya muqaddar chamka
sab badal jaega qismat ka likha jam uTha

Bashir Badr

---

---

hai ajib shahr ki zindagi na safar raha na qayam hai
kahin karobar si dopahr kahin bad-mizaj si sham hai

Bashir Badr

---

---

hum bhi dariya hain hamein apna hunar malum hai
jis taraf bhi chal paDenge rasta ho jaega

Bashir Badr

---

---

hum dilli bhi ho aae hain lahore bhi ghume
ai yar magar teri gali teri gali hai

Bashir Badr

---

---

hum ne to bazar mein duniya bechi aur KHaridi hai
hum ko kya malum kisi ko kaise chaha jata hai

Bashir Badr

---

---

hum to kuchh der hans bhi lete hain
dil hamesha udas rahta hai

Bashir Badr

---

---

haqiqaton mein zamana bahut guzar chuke
koi kahani sunao baDa andhera hai

Bashir Badr

---

---