farq itna hai ki tu parde mein aur main be-hijab
warna main aks-e-mukammal hun teri taswir ka

Asad Bhopali

---

---

ghuncha o gul mah o anjum sab ke sab bekar the
aap kya aae ki phir mausam suhana aa gaya

Asad Bhopali

---

---

haalat ne kisi se juda kar diya mujhe
ab zindagi se zindagi mahrum ho gai

Asad Bhopali

---

---

ishq ko jab husn se nazren milana aa gaya
KHud-ba-KHud ghabra ke qadmon mein zamana aa gaya

Asad Bhopali

---

---

itna to bata jao KHafa hone se pahle
wo kya karen jo tum se KHafa ho nahin sakte

Asad Bhopali

---

---

jab zara raat hui aur mah o anjum aae
bar-ha dil ne ye mahsus kiya tum aae

Asad Bhopali

---

---

main ab tere siwa kis ko pukarun
muqaddar so gaya gham jagta hai

Asad Bhopali

---

---