phulon ki tazgi hi nahin dekhne ki chiz
kanTon ki samt bhi to nigahen uTha ke dekh

Asad Badayuni

---

---

purane ghar ki shikasta chhaton se ukta kar
nae makan ka naqsha banata rahta hun

Asad Badayuni

---

---

sab ek charagh ke parwane hona chahte hain
ajib log hain diwane hona chahte hain

Asad Badayuni

---

---

shaKH se TuT ke patte ne ye dil mein socha
kaun is tarah bhala mail-e-hijrat hoga

Asad Badayuni

---

---

suKHan-wari ka bahana banata rahta hun
tera fasana tujhi ko sunata rahta hun

Asad Badayuni

---

---

takallufat ki nazmon ka silsila hai siwa
talluqat ab afsane hona chahte hain

Asad Badayuni

---

---

wahan bhi mujh ko KHuda sar-buland rakhta hai
jahan saron ko jhukae zamana hota hai

Asad Badayuni

---

---