wo sari baaten main ahbab hi se kahta hun
mujhe harif ko jo kuchh sunana hota hai

Asad Badayuni

---

---

ye taeron ki qataren kidhar ko jati hain
na koi dam bichha hai kahin na dana hai

Asad Badayuni

---

---

ai mauj-e-hawadis tujhe malum nahin kya
hum ahl-e-mohabbat hain fana ho nahin sakte

Asad Bhopali

---

---

aise iqrar mein inkar ke sau pahlu hain
wo to kahiye ki labon pe na tabassum aae

Asad Bhopali

---

---

ajab andaz ke sham-o-sahar hain
koi taswir ho jaise adhuri

Asad Bhopali

---

---

ar-ha ye bhi hua anjuman-e-naz se hum
surat-e-mauj uThe misl-e-talatum aae

Asad Bhopali

---

---

dekhiye ahd-e-wafa achchha nahin
marna jina sath ka ho jaega

Asad Bhopali

---

---