na aaya gham bhi mohabbat mein sazgar mujhe
wo KHud taDap gae dekha jo be-qarar mujhe

Asad Bhopali

---

---

na bazm apni na apna saqi na shisha apna na jam apna
agar yahi hai nizam-e-hasti to zindagi ko salam apna

Asad Bhopali

---

---

ye aansu DhunDta hai tera daman
musafir apni manzil jaanta hai

Asad Bhopali

---

---

asrar agar samjhe duniya ki har ek shai ke
KHud apni haqiqat se ye be-KHabari kyun hai

Asad Multani

---

---

ahen na rind ye zahid ke bas ki baat nahin
tamam shahr hai do-chaar das ki baat nahin

Asad Multani

---

---

sharab band ho saqi ke bas ki baat nahin
tamam shahar hai do chaar das ki baat nahin

Asad Multani

---

---

fikr-e-jahan dard-e-mohabbat firaq-e-yar
kya kahiye kitne gham hain meri zindagi ke sath

Asar Akbarabadi

---

---