tu ne ye kya ghazab kiya mujh ko bhi fash kar diya
main hi to ek raaz tha sina-e-kaenat mein

Allama Iqbal

---

---

tu qadir o aadil hai magar tere jahan mein
hain talKH bahut banda-e-mazdur ke auqat

Allama Iqbal

---

---

tu shahin hai parwaz hai kaam tera
tere samne aasman aur bhi hain

Allama Iqbal

---

---

umid-e-hur ne sab kuchh sikha rakkha hai waiz ko
ye hazrat dekhne mein sidhe-sade bhole-bhaale hain

Allama Iqbal

---

---

uqabi ruh jab bedar hoti hai jawanon mein
nazar aati hai un ko apni manzil aasmanon mein

Allama Iqbal

---

---

uruj-e-adam-e-KHaki se anjum sahme jate hain
ki ye TuTa hua tara mah-e-kaamil na ban jae

Allama Iqbal

---

---

use subh-e-azal inkar ki jurat hui kyunkar
mujhe malum kya wo raaz-dan tera hai ya mera

Allama Iqbal

---

---