jaane kis baat se dukha hai bahut
dil kai roz se KHafa hai bahut

Alok Mishra

---

---

jab se dekha hai KHwab mein us ko
dil musalsal kisi safar mein hai

Alok Mishra

---

---

kya qayamat hai ki teri hi tarah se mujh se
zindagi ne bhi bahut dur ka rishta rakkha

Alok Mishra

---

---

main bhi bikhra hua hun apnon mein
wo bhi tanha sa apne ghar mein hai

Alok Mishra

---

---

sab sitare dilasa dete hain
chand raaton ko chiKHta hai bahut

Alok Mishra

---

---

dhawa bolega bahut jald KHizan ka lashkar
shaKH ko neza karun phul ko talwar karun

Alok Yadav

---

---

dilkashi thi unsiyat thi ya mohabbat ya junun
sab marahil tujh se jo mansub the achchhe lage

Alok Yadav

---

---