چراغ سجدہ جلا کے دیکھو ہے بت کدہ دفن زیر کعبہ
حدود اسلام ہی کے اندر یہ سرحد کافری ملے گی

سراج لکھنوی

---

---

دام بر دوش پھریں چاہے وہ گیسو بر دوش
صید بن بن کے ہمیں نے انہیں صیاد کیا

سراج لکھنوی

---

---

دم گھٹا جاتا ہے محبت کا
بند ہی بند گفتگو ہے ابھی

سراج لکھنوی

---

---

دیا ہے درد تو رنگ قبول دے ایسا
جو اشک آنکھ سے ٹپکے وہ داستاں ہو جائے

سراج لکھنوی

---

---

ایک ایک سے بھیک آنسوؤں کی مانگ رہا ہوں
کس نے مجھے جھونکا ہے جہنم کی فضا میں

سراج لکھنوی

---

---

آنکھیں کھلیں تو جاگ اٹھیں حسرتیں تمام
اس کو بھی کھو دیا جسے پایا تھا خواب میں

as my eyes did ope my yearnings did rebound
for I lost the person who in my dreams I found

سراج لکھنوی

---

---

ہاں تم کو بھول جانے کی کوشش کریں گے ہم
تم سے بھی ہو سکے تو نہ آنا خیال میں

سراج لکھنوی

---

---

حیران ہیں اب جائیں کہاں ڈھونڈنے تم کو
آئینۂ ادراک میں بھی تم نہیں رہتے

سراج لکھنوی

---

---

ہر اشک سرخ ہے دامان شب میں آگ کا پھول
بغیر شمع کے بھی جل رہے ہیں پروانے

سراج لکھنوی

---

---