غسل توبہ کے لیے بھی نہیں ملتی ہے شراب
اب ہمیں پیاس لگی ہے تو کوئی جام نہیں

سراج لکھنوی

---

---

آنکھوں پر اپنی رکھ کر ساحل کی آستیں کو
ہم دل کے ڈوبنے پر آنسو بہا رہے ہیں

سراج لکھنوی

---

---

آنسو ہیں کفن پوش ستارے ہیں کفن رنگ
لو چاک کئے دیتے ہیں دامان سحر ہم

سراج لکھنوی

---

---

آگ اور دھواں اور ہوس اور ہے عشق اور
ہر حوصلۂ دل کو محبت نہیں کہتے

سراج لکھنوی

---

---

آپ کے پاؤں کے نیچے دل ہے
اک ذرا آپ کو زحمت ہوگی

سراج لکھنوی

---

---

ابھی رکھا رہنے دو طاق پر یوں ہی آفتاب کا آئنہ
کہ ابھی تو میری نگاہ میں وہی میرا ماہ تمام ہے

سراج لکھنوی

---

---

بڑوں بڑوں کے قدم ڈگمگائے جاتے ہیں
پڑا ہے کام بدلتے ہوئے زمانے سے

سراج لکھنوی

---

---

چمک شاید ابھی گیتی کے ذروں کی نہیں دیکھی
ستارے مسکراتے کیوں ہیں زیب آسماں ہو کر

سراج لکھنوی

---

---

چند تنکوں کی سلیقے سے اگر ترتیب ہو
بجلیوں کو بھی طواف آشیاں کرنا پڑے

سراج لکھنوی

---

---