ٹکراؤں کیوں زمانے سے کیا فائدہ سراجؔ
خود اپنے راستے سے ہٹا جا رہا ہوں میں

سراج لکھنوی

---

---

تجھے پا کے تجھ سے جدا ہو گئے ہم
کہاں کھو دیا تو نے کیا ہو گئے ہم

سراج لکھنوی

---

---

وہ بھیڑ ہے کہ ڈھونڈھنا تیرا تو درکنار
خود کھویا جا رہا ہوں ہجوم خیال میں

سراج لکھنوی

---

---

یہ آدھی رات یہ کافر اندھیرا
نہ سوتا ہوں نہ جاگا جا رہا ہے

سراج لکھنوی

---

---

یہ ایک لڑی کے سب چھٹکے ہوئے موتی ہیں
کعبے ہی کی شاخیں ہیں بکھرے ہوئے بت خانے

سراج لکھنوی

---

---

یہ جزر و مد ہے پاداش عمل اک دن یقینی ہے
نہ سمجھو خون انساں بہہ گیا ہے رائیگاں ہو کر

سراج لکھنوی

---

---

یہ زمیں خود ہو جنتوں کا سہاگ
یوں ہوں آباد سارے ویرانے

سراج لکھنوی

---

---

ذرا دیکھو یہ سرکش ذرۂ خاک
فلک کا چاند بنتا جا رہا ہے

سراج لکھنوی

---

---

ضرب‌ المثل ہیں اب مری مشکل پسندیاں
سلجھا کے ہر گرہ کو پھر الجھا رہا ہوں میں

سراج لکھنوی

---

---