ہر نفس اتنی ہی لو دے گا سراجؔ
جتنی جس دل میں حرارت ہوگی

سراج لکھنوی

---

---

ہو گیا آئنہ حال بھی گرد آلودہ
گود میں لاشئہ ماضی کو لیے بیٹھا ہوں

سراج لکھنوی

---

---

اک کافر مطلق ہے ظلمت کی جوانی بھی
بے رحم اندھیرا ہے شمعیں ہیں نہ پروانے

سراج لکھنوی

---

---

اس دل میں تو خزاں کی ہوا تک نہیں لگی
اس پھول کو تباہ کیا ہے بہار نے

سراج لکھنوی

---

---

اس سوچ میں بیٹھے ہیں جھکائے ہوئے سر ہم
اٹھے تری محفل سے تو جائیں گے کدھر ہم

سراج لکھنوی

---

---

عشق کا بندہ بھی ہوں کافر بھی ہوں مومن بھی ہوں
آپ کا دل جو گواہی دے وہی کہہ لیجئے

سراج لکھنوی

---

---

جان سی شے کی مجھے عشق میں کچھ قدر نہیں
زندگی جیسے کہیں میں نے پڑی پائی ہے

سراج لکھنوی

---

---

جو اشک سرخ ہے نامہ نگار ہے دل کا
سکوت شب میں لکھے جا رہے ہیں افسانے

سراج لکھنوی

---

---

کیسے پھاندے گا باغ کی دیوار
تو گرفتار رنگ و بو ہے ابھی

سراج لکھنوی

---

---