رات بھر شمع جلاتا ہوں بجھاتا ہوں سراجؔ
بیٹھے بیٹھے یہی شغل شب تنہائی ہے

سراج لکھنوی

---

---

نہ پی سکو تو ادھر آؤ پونچھ دوں آنسو
یہ تم نے سن لئے اس دل کے سانحات کہاں

سراج لکھنوی

---

---

نہ محتسب کی خوشامد نہ میکدے کا طواف
خودی میں مست ہوں اپنی بہار میں گم ہوں

سراج لکھنوی

---

---

لہو میں ڈوبی ہے تاریخ خلقت انساں
ابھی یہ نسل ہے شائستۂ حیات کہاں

سراج لکھنوی

---

---

کیوں دھیان بٹاتی ہے مرا گردش دنیا
ہٹ جا کہ نہ فرق آئے مری لغزش پا میں

سراج لکھنوی

---

---

کچھ اور مانگنا میرے مشرب میں کفر ہے
لا اپنا ہاتھ دے مرے دست سوال میں

سراج لکھنوی

---

---

خوشا وہ دور کہ جب مرکز نگاہ تھے ہم
پڑا جو وقت تو اب کوئی روشناس نہیں

سراج لکھنوی

---

---

خدا وندا یہ کیسی صبح غم ہے
اجالے میں برستی ہے سیاہی

سراج لکھنوی

---

---

خبر رہائی کی مل چکی ہے چراغ پھولوں کے جل رہے ہیں
مگر بڑی تیز روشنی ہے قفس کا در سوجھتا نہیں ہے

سراج لکھنوی

---

---