osa jo ruKH ka dete nahin lab ka dijiye
ye hai masal ki phul nahin pankhuDi sahi
Sheikh Ibrahim Zauq
dekh chhoTon ko hai allah baDai deta
aasman aankh ke til mein hai dikhai deta
even to tiny creatures God greatness does provide
in the pupil of the eye skies can be espied
Sheikh Ibrahim Zauq
dikhane ko nahin hum muztarib haalat hi aisi hai
masal hai ro rahe ho kyun kaha surat hi aisi hai
Sheikh Ibrahim Zauq
duniya ne kis ka rah-e-fana mein diya hai sath
tum bhi chale chalo yunhi jab tak chali chale
Sheikh Ibrahim Zauq
ehsan na-KHuda ka uThae meri bala
kashti KHuda pe chhoD dun langar ko toD dun
Sheikh Ibrahim Zauq
ek aansu ne Duboya mujh ko un ki bazm mein
bund bhar pani se sari aabru pani hui
a single tear caused my fall in her company
just a drop of water drowned my dignity
Sheikh Ibrahim Zauq
ek patthar pujne ko shaiKH ji kabe gae
'zauq' har but qabil-e-bosa hai is but-KHane mein
Sheikh Ibrahim Zauq
gaya shaitan mara ek sajda ke na karne mein
agar lakhon baras sajde mein sar mara to kya mara
Sheikh Ibrahim Zauq
gul us nigah ke zaKHm-rasidon mein mil gaya
ye bhi lahu laga ke shahidon mein mil gaya
Sheikh Ibrahim Zauq