hai ain-e-wasl mein bhi meri chashm su-e-dar
lapka jo paD gaya hai mujhe intizar ka
Sheikh Ibrahim Zauq
hum nahin wo jo karen KHun ka dawa tujh par
balki puchhega KHuda bhi to mukar jaenge
Sheikh Ibrahim Zauq
hum rone pe aa jaen to dariya hi baha den
shabnam ki tarah se hamein rona nahin aata
Sheikh Ibrahim Zauq
hamein nargis ka dasta ghair ke hathon se kyun bheja
jo aankhen hi dikhani thin dikhate apni nazron se
Sheikh Ibrahim Zauq
haq ne tujh ko ek zaban di aur diye hain kan do
is ke ye mani kahe ek aur sune insan do
the lord did on our face one mouth and two ears array
for to listen twich as much as we are wont to say
Sheikh Ibrahim Zauq
ho umr-e-KHizr bhi to ho malum waqt-e-marg
hum kya rahe yahan abhi aae abhi chale
Sheikh Ibrahim Zauq
in dinon garche dakan mein hai baDi qadr-e-suKHan
kaun jae 'zauq' par dilli ki galiyan chhoD ka
Sheikh Ibrahim Zauq
jo kahoge tum kahenge hum bhi han yun hi sahi
aap ki gar yun KHushi hai mehrban yun hi sahi
Sheikh Ibrahim Zauq
kal jahan se ki uTha lae the ahbab mujhe
le chala aaj wahin phir dil-e-be-tab mujhe
the place from where my friends had picked me yesterday
my restless heart takes me again to that place today
Sheikh Ibrahim Zauq