mera ghar teri manzil gah ho aise kahan talea
KHuda jaane kidhar ka chand aaj ai mah-ru nikla

Sheikh Ibrahim Zauq

---

---

moazzin marhaba bar-waqt bola
teri aawaz makke aur madine

Sheikh Ibrahim Zauq

---

---

na hua par na hua 'mir' ka andaz nasib
'zauq' yaron ne bahut zor ghazal mein mara

Sheikh Ibrahim Zauq

---

---

naz hai gul ko nazakat pe chaman mein ai 'zauq'
us ne dekhe hi nahin naz-o-nazakat wale

Sheikh Ibrahim Zauq

---

---

nazuk-kalamiyan meri toDen adu ka dil
main wo bala hun shishe se patthar ko toD dun

Sheikh Ibrahim Zauq

---

---

nikalun kis tarah sine se apne tir-e-jaanan ko
na paikan dil ko chhoDe hai, na dil chhoDe hai paikan ko

how do I from my breast dislodge my love's arrow
this barb doesn’t leave my heart nor does my heart let go

Sheikh Ibrahim Zauq

---

---

phir mujhe le chala udhar dekho
dil-e-KHana-KHarab ki baaten

Sheikh Ibrahim Zauq

---

---

phul to do din bahaar-e-jaan-faza dikhla gae
hasrat un ghunchon pe hai jo bin khile murjha gae

Sheikh Ibrahim Zauq

---

---

pir-e-mughan ke pas wo daru hai jis se 'zauq'
namard mard mard-e-jawan-mard ho gaya

Sheikh Ibrahim Zauq

---

---