hum nahin wo jo karen KHun ka dawa tujh par
balki puchhega KHuda bhi to mukar jaenge

Sheikh Ibrahim Zauq

---

---

hai ain-e-wasl mein bhi meri chashm su-e-dar
lapka jo paD gaya hai mujhe intizar ka

Sheikh Ibrahim Zauq

---

---

gul us nigah ke zaKHm-rasidon mein mil gaya
ye bhi lahu laga ke shahidon mein mil gaya

Sheikh Ibrahim Zauq

---

---

gaya shaitan mara ek sajda ke na karne mein
agar lakhon baras sajde mein sar mara to kya mara

Sheikh Ibrahim Zauq

---

---

ek patthar pujne ko shaiKH ji kabe gae
'zauq' har but qabil-e-bosa hai is but-KHane mein

Sheikh Ibrahim Zauq

---

---

ek aansu ne Duboya mujh ko un ki bazm mein
bund bhar pani se sari aabru pani hui

a single tear caused my fall in her company
just a drop of water drowned my dignity

Sheikh Ibrahim Zauq

---

---