kis se ja kar mangiye dard-e-mohabbat ki dawa
chaara-gar ab KHud hi bechaare nazar aane lage

Shakeel Badayuni

---

---

KHush hun ki mera husn-e-talab kaam to aaya
KHali hi sahi meri taraf jam to aaya

Shakeel Badayuni

---

---

khul gaya un ki aarzu mein ye raaz
zist apni nahin parai hai

Shakeel Badayuni

---

---

aap jo kuchh kahen hamein manzur
nek bande KHuda se Darte hain

Shakeel Badayuni

---

---

kaise kah dun ki mulaqat nahin hoti hai
roz milte hain magar baat nahin hoti hai

Shakeel Badayuni

---

---

kabhi yak-ba-yak tawajjoh kabhi dafatan taghaful
mujhe aazma raha hai koi ruKH badal badal ka

Shakeel Badayuni

---

---

kafi hai mere dil ki tasalli ko yahi baat
aap aa na sake aap ka paigham to aaya

Shakeel Badayuni

---

---

kanTon se guzar jata hun daman ko bacha kar
phulon ki siyasat se main begana nahin hun

Shakeel Badayuni

---

---

jine wale qaza se Darte hain
zahr pi kar dawa se Darte hain

Shakeel Badayuni

---

---