'shakil' is darja mayusi shuru-e-ishq mein kaisi
abhi to aur hona hai KHarab aahista aahista

Shakeel Badayuni

---

---

mujhe to qaid-e-mohabbat aziz thi lekin
kisi ne mujh ko giraftar kar ke chhoD diya

Shakeel Badayuni

---

---

mushkil tha kuchh to ishq ki bazi ko jitna
kuchh jitne ke KHauf se haare chale gae

was difficult to win the game of love to a degree
and so I went on losing being afraid of victory

Shakeel Badayuni

---

---

na paimane khanakte hain na daur-e-jam chalta hai
nai duniya ke rindon mein KHuda ka nam chalta hai

Shakeel Badayuni

---

---

nai subh par nazar hai magar aah ye bhi Dar hai
ye sahar bhi rafta rafta kahin sham tak na pahunche

Shakeel Badayuni

---

---

nazar-nawaz nazaron mein ji nahin lagta
wo kya gae ki bahaaron mein ji nahin lagta

Shakeel Badayuni

---

---

phir wahi johd-e-musalsal phir wahi fikr-e-maash
manzil-e-jaanan se koi kaamyab aaya to kya

Shakeel Badayuni

---

---

pi shauq se waiz are kya baat hai Dar ki
dozaKH tere qabze mein hai jannat tere ghar ki

Shakeel Badayuni

---

---

ahmaton se nibah mein guzri
umr sari gunah mein guzri

Shakeel Badayuni

---

---