ab to KHushi ka gham hai na gham ki KHushi mujhe
be-his bana chuki hai bahut zindagi mujhe

Shakeel Badayuni

---

---

kal raat zindagi se mulaqat ho gai
lab tharthara rahe the magar baat ho gai

Shakeel Badayuni

---

---

lamhe udas udas fazaen ghuTi ghuTi
duniya agar yahi hai to duniya se bach ke chal

Shakeel Badayuni

---

---

lamhat-e-yaad-e-yar ko sarf-e-dua na kar
aate hain zindagi mein ye aalam kabhi kabhi

Shakeel Badayuni

---

---

kya hasin KHwab mohabbat ne dikhaya tha hamein
khul gai aankh to tabir pe rona aaya

Shakeel Badayuni

---

---

kya asar tha jazba-e-KHamosh mein
KHud wo khich kar aa gae aaghosh mein

Shakeel Badayuni

---

---

koi dilkash nazara ho koi dilchasp manzar ho
tabiat KHud bahal jati hai bahlai nahin jati

Shakeel Badayuni

---

---

koi ai 'shakil' puchhe ye junun nahin to kya hai
ki usi ke ho gae hum jo na ho saka hamara

But for madness what is this, can anyone divine?
I am hers forevermore, who never can be mine

Shakeel Badayuni

---

---

kitni dil-kash hain teri taswir ki ranaiyan
lekin ai parda-nashin taswir phir taswir hai

Shakeel Badayuni

---

---