ujale garmi-e-raftar ka hi sath dete hain
basera tha jahan apna wahin tak aaftab aaya

Shakeel Badayuni

---

---

tum phir usi ada se angDai le ke hans do
aa jaega palaT kar guzra hua zamana

Shakeel Badayuni

---

---

tujh se barham hun kabhi KHud se KHafa
kuchh ajab raftar hai tere baghai

Shakeel Badayuni

---

---

tark-e-mai hi samajh ise naseh
itni pi hai ki pi nahin jati

Shakeel Badayuni

---

---

suna hai zindagi viraniyon ne luT li mil kar
na jaane zindagi ke naz-bardaron pe kya guzri

Shakeel Badayuni

---

---

sitam-nawazi-e-paiham hai ishq ki fitrat
fuzul husn pe tohmat lagai jati hai

Shakeel Badayuni

---

---

sidq-o-safa-e-qalb se mahrum hai hayat
karte hain bandagi bhi jahannam ke Dar se hum

Shakeel Badayuni

---

---

uz-dili hogi charaghon ko dikhana aankhen
abr chhaT jae to suraj se milana aankhen

would be cowardice to stare down at the flame
let the clouds disperse then look upon the sun

Shakeel Badayuni

---

---

hae wo zindagi ki ek saat
jo teri bargah mein guzri

Shakeel Badayuni

---

---