آنگن ہے جل تھل بہت دیواروں پر گھاس
گھر کے اندر بھی ملا شاہدؔ کو بنواس

شاہد میر

---

---

پہلے تو چھین لی مری آنکھوں کی روشنی
پھر آئینے کے سامنے لایا گیا مجھے

شاہد میر

---

---

کاغذ پر لکھ دیجئے اپنے سارے بھید
دل میں رہے تو آنچ سے ہو جائیں گے چھید

شاہد میر

---

---

جیون جینا کٹھن ہے وش پینا آسان
انساں بن کر دیکھ لو او شنکرؔ بھگوان

شاہد میر

---

---

ہر اک شے بے میل تھی کیسے بنتی بات
آنکھوں سے سپنے بڑے نیند سے لمبی رات

شاہد میر

---

---

گنوائے بیٹھے ہیں آنکھوں کی روشنی شاہدؔ
جہاں پناہ کا انصاف دیکھنے والے

شاہد میر

---

---

درد ہے دولت کی طرح غم ٹھہرا جاگیر
اپنی اس جاگیر میں خوش ہیں شاہدؔ میر

شاہد میر

---

---

بجھتی ہوئی سی ایک شبیہ ذہن میں لیے
مٹتی ہوئی ستاروں کی صف دیکھتے رہے

شاہد میر

---

---

اور کچھ بھی مجھے درکار نہیں ہے لیکن
میری چادر مرے پیروں کے برابر کر دے

شاہد میر

---

---