sar-e-mizhgan ye nale ab bhi aansu ko taraste hain
ye sach hai jo garajte hain wo baadal kam baraste hain

Shah Naseer

---

---

sar-bulandi ko yahan dil ne na chaha munim
warna ye KHema-e-aflak purana kya tha

Shah Naseer

---

---

urqa ko ulaT mujh se jo karta hai wo baaten
ab main hama-tan-gosh banun ya hama-tan-chashm

Shah Naseer

---

---

gale mein tu ne wahan motiyon ka pahna haar
yahan pe ashk-e-musalsal gale ka haar raha

Shah Naseer

---

---

dud-e-ah-e-jigari kaam na aaya yaro
warna ru-e-shab-e-hijr aur bhi kala karta

Shah Naseer

---

---

din raat yahan putliyon ka nach rahe hai
hairat hai ki tu mahw-e-tamasha nahin hota

Shah Naseer

---

---

dil-e-pur-abla laya hun dikhane tum ko
band ai shisha-garo! apni dukan kijiyega

Shah Naseer

---

---

dila us ki kakul se rakh jama KHatir
pareshan se hasil kab ek dam hoga

Shah Naseer

---

---

dekhoge ki main kaisa phir shor machata hun
tum ab ke namak mere zaKHmon pe chhiDak dekho

Shah Naseer

---

---