mat puchh wardat-e-shab-e-hijr ai 'nasir'
main kya kahun jo kar-e-numayan-e-nala tha

Shah Naseer

---

---

mai-kashi ka hai ye shauq us ko ki aaine mein
kan ke jhumke ko angur ka KHosha samjha

Shah Naseer

---

---

main us ki chashm ka bimar-e-na-tawan hun tabib
jo mere haq mein munasib ho wo dawa Thahra

Shah Naseer

---

---

le gaya de ek bosa aql o din o dil wo shoKH
kya hisab ab kije kuchh apna hi fazil rah gaya

Shah Naseer

---

---

lagai kis but-e-mai-nosh ne hai tak us par
subu-ba-dosh hai saqi jo aabla dil ka

Shah Naseer

---

---

laga na dil ko tu apne kisi se dekh 'nasir'
bura na man ki is mein nahin bhala dil ka

Shah Naseer

---

---

laga jab aks-e-abru dekhne dildar pani mein
baham har mauj se chalne lagi talwar pani mein

Shah Naseer

---

---

lab-e-dariya pe dekh aa kar tamasha aaj holi ka
bhanwar kale ke daf baje hai mauj ai yar pani mein

Shah Naseer

---

---

kyun mai ke pine se karun inkar naseha
zahid nahin wali nahin kuchh parsa nahin

Shah Naseer

---

---