mulla ki dauD jaise hai masjid talak 'nasir'
hai mast ki bhi KHana-e-KHummar tak pahunch

Shah Naseer

---

---

'nasir' ab hum ko kya hai qissa-e-kaunain se matlab
ki chashm-e-pur-fusun-e-yar ka afsana rakhte hain

Shah Naseer

---

---

'nasir' us zulf ki ye kaj-adai koi jati hai
masal mashhur hai rassi jali lekin na bal nikla

Shah Naseer

---

---

pistan ko tere dekh ke miT jae phir hubab
dariya mein ta-ba-sina agar tu nahae subh

Shah Naseer

---

---

puchhne walon ko kya kahiye ki dhoke mein nahin
kufr o islam haqiqat mein hain yaksan hum ko

Shah Naseer

---

---

akh qadam hoshyar ho kar ishq ki manzil mein aah
jo hua is rah mein ghafil Thikane lag gaya

Shah Naseer

---

---

eKHta ke qasr ki buniyaad uThai ai 'nasir'
kaam hai mulk-e-suKHan mein sahib-e-maqdur ka

Shah Naseer

---

---

uwaq-e-chashm mein mat rah ki hai makan-e-nuzul
tere to waste ye qasr hai bana dil ka

Shah Naseer

---

---

sab pe raushan hai ki rah-e-ishq mein manind-e-shama
panw par se hum ne qurban rafta rafta sar kiya

Shah Naseer

---

---