ja-ba-ja dasht mein KHeme hain bagule ke khaDe
urs-e-majnun ki hai dhum aaj bayaban mein kya

Shah Naseer

---

---

isi mazmun se malum us ki sard-mehri hai
mujhe nama jo us ne kaghaz-e-kashmir par likkha

Shah Naseer

---

---

aa ke salasil ai junun kyun na qadam le baad-e-qais
us ka bhi hum ne silsila az-sar-e-nau bapa kiya

Shah Naseer

---

---

ek pal mein jhaDi abr-e-tunak-maya ki sheKHi
dekha jo mera dida-e-pur-ab na Thahra

Shah Naseer

---

---

ek aabla tha so bhi gaya KHar-e-gham se phaT
teri girah mein kya dil-e-andoh-gin raha

Shah Naseer

---

---

ho guftugu hamari aur ab us ki kyunki aah
us ke dahan nahin to hamari zaban nahin

Shah Naseer

---

---

hawa par hai ye buniyaad-e-musafir KHana-e-hasti
na Thahra hai koi yan ai dil-e-mahzun na Thahrega

Shah Naseer

---

---

hum wo falak hain ahl-e-tawakkul ki misl-e-mah
rakhte nahin hain nan-e-shabina bara-e-subh

Shah Naseer

---

---

hum hain aur majnun azal se KHana-parward-e-junun
us ne ki sahra-nawardi hum ne galiyan dekhiyan

Shah Naseer

---

---