mere ghar mein ghair ke Dar se kabhi chhup jaiye
ghair ke ghar mein chhape the aaj kis ki Dar se aap

Riyaz Khairabadi

---

---

meri saj-dhaj to koi ishq-e-butan mein dekhe
sath qashqe ke hai zunnar-e-barahman kaisa

Riyaz Khairabadi

---

---

mere ghar misl tabarruk ke ye saman nikla
aastin qais ki farhad ka daman nikla

Riyaz Khairabadi

---

---

muflison ki zindagi ka zikr kya
muflisi ki maut bhi achchhi nahin

Riyaz Khairabadi

---

---

naseh ke sar par ek lagai taDaq se
phir hath mal rahe hain ki achchhi paDi nahin

Riyaz Khairabadi

---

---

najd mein kya qais ka hai urs aaj
nange nange jama hain hammam mein

Riyaz Khairabadi

---

---

nigah-e-naz idhar hai nigah-e-shauq udhar
hum to bijli ko hain bijli se laDane wale

Riyaz Khairabadi

---

---

paun to in hasinon ka munh chum lun 'riyaz'
aaj in ki galiyon ne baDa hi maza diya

if I find these beauties, I will surely kiss
their lips for their abuses, have given me such bliss

Riyaz Khairabadi

---

---

paun to un hasinon ke munh chum lun 'riyaz'
aaj un ki galiyon ne baDa hi maza diya

Riyaz Khairabadi

---

---