kya sharab-e-nab ne pasti se paya hai uruj
sar chaDhi hai halq se niche utar jaane ke baad

Riyaz Khairabadi

---

---

lab-e-mai-gun ka taqaza hai ki jina hoga
aankh kahti hai tujhe zahr bhi pina hoga

Riyaz Khairabadi

---

---

luT gai shab ko do shai jis ko chhupate the bahut
in hasinon se koi puchhe ki kya jata raha

Riyaz Khairabadi

---

---

mai-KHane mein kyun yaad-e-KHuda hoti hai aksar
masjid mein to zikr-e-mai-o-mina nahin hota

Riyaz Khairabadi

---

---

mai-KHane mein mazar hamara agar bana
duniya yahi kahegi ki jannat mein ghar bana

Riyaz Khairabadi

---

---

mar gae phir bhi talluq hai ye mai-KHane se
mere hisse ki chhalak jati hai paimane se

Riyaz Khairabadi

---

---

mar gaya hun pe talluq hai ye mai-KHane se
mere hisse ki chhalak jati hai paimane se

Riyaz Khairabadi

---

---

mehndi lagae baiThe hain kuchh is ada se wo
muTThi mein un ki de de koi dil nikal ke

Riyaz Khairabadi

---

---

mere aaghosh mein yunhi kabhi aa ja tu bhi
jis ada se teri aankhon mein haya aai hai

Riyaz Khairabadi

---

---