wo puchhte hain shauq tujhe hai visal ka
munh chum lun jawab ye hai is sawal ka

Riyaz Khairabadi

---

---

wo joban bahut sar uThae hue hain
bahut tang band-e-qaba hai kisi ka

Riyaz Khairabadi

---

---

wo bole wasl ki han hai to pyari pyari raat
kahan se aai ye allah ki sanwari raat

Riyaz Khairabadi

---

---

'riyaz' tauba na TuTe na mai-kada chhuTe
zaban ka pas rahe waza ka nibah rahe

Riyaz Khairabadi

---

---

shaiKH-ji gir gae the hauz mein maiKHane ke
Dub kar chashma-e-kausar ke kinare nikle

Riyaz Khairabadi

---

---

sayyaad tera ghar mujhe jannat sahi magar
jannat se bhi siwa mujhe rahat chaman mein thi

Riyaz Khairabadi

---

---

ote jo aae the rula ke gae
ibtida intiha ko rote hain

Riyaz Khairabadi

---

---

sher-e-tar mere chhalakte hue saghar hain 'riyaz'
phir bhi sab puchhte hain aap ne mai pi ki nahin

Riyaz Khairabadi

---

---

'riyaz' ehsas-e-KHuddari pe kitni choT lagti hai
kisi ke pas jab jata hai koi muddaa le ka

Riyaz Khairabadi

---

---