ote jo aae the rula ke gae
ibtida intiha ko rote hain

Riyaz Khairabadi

---

---

sayyaad tera ghar mujhe jannat sahi magar
jannat se bhi siwa mujhe rahat chaman mein thi

Riyaz Khairabadi

---

---

shaiKH-ji gir gae the hauz mein maiKHane ke
Dub kar chashma-e-kausar ke kinare nikle

Riyaz Khairabadi

---

---

sher-e-tar mere chhalakte hue saghar hain 'riyaz'
phir bhi sab puchhte hain aap ne mai pi ki nahin

Riyaz Khairabadi

---

---

shoKHi se har shagufe ke TukDe uDa diye
jis ghunche par nigah paDi dil bana diya

Riyaz Khairabadi

---

---

suna hai 'riyaz' apni daDhi baDha kar
buDhape mein allah wale hue hain

Riyaz Khairabadi

---

---

unhin mein se koi aae to maiKHane mein aa jae
milun KHud ja ke main ahl-e-haram se ho nahin sakta

Riyaz Khairabadi

---

---

uThta hai ek panw to thamta hai ek panw
naqsh-e-qadam ki tarah kahan ghar banaen hum

Riyaz Khairabadi

---

---

uThwao mez se mai-o-saghar 'riyaz' jald
aate hain ek buzurg purane KHayal ke

Riyaz Khairabadi

---

---