wasl ki raat ke siwa koi sham
sath le kar sahar nahin aati

Riyaz Khairabadi

---

---

wo bole wasl ki han hai to pyari pyari raat
kahan se aai ye allah ki sanwari raat

Riyaz Khairabadi

---

---

wo joban bahut sar uThae hue hain
bahut tang band-e-qaba hai kisi ka

Riyaz Khairabadi

---

---

wo puchhte hain shauq tujhe hai visal ka
munh chum lun jawab ye hai is sawal ka

Riyaz Khairabadi

---

---

ye kam-baKHt ek jahan-e-arzu hai
na ho koi hamara dil ho hum hun

Riyaz Khairabadi

---

---

ye mai-kada hai ki masjid ye aab hai ki sharab
koi bhi zarf barae wuzu nahin baqi

Riyaz Khairabadi

---

---

ye qais-o-kohkan ke se fasane ban gae kitne
kisi ne TukDe kar ke sab hamari dastan rakh di

Riyaz Khairabadi

---

---

ye sar-ba-mohr botalen hain jo sharab ki
raaten hain un mein band hamari shabab ki

Riyaz Khairabadi

---

---

ye sar-ba-mohr botalen jo hain sharab ki
raaten hain in mein band hamare shabab ki

Riyaz Khairabadi

---

---