wo bole wasl ki han hai to pyari pyari raat
kahan se aai ye allah ki sanwari raat

Riyaz Khairabadi

---

---

wo joban bahut sar uThae hue hain
bahut tang band-e-qaba hai kisi ka

Riyaz Khairabadi

---

---

wo puchhte hain shauq tujhe hai visal ka
munh chum lun jawab ye hai is sawal ka

Riyaz Khairabadi

---

---

ye kam-baKHt ek jahan-e-arzu hai
na ho koi hamara dil ho hum hun

Riyaz Khairabadi

---

---

ye mai-kada hai ki masjid ye aab hai ki sharab
koi bhi zarf barae wuzu nahin baqi

Riyaz Khairabadi

---

---

ye qais-o-kohkan ke se fasane ban gae kitne
kisi ne TukDe kar ke sab hamari dastan rakh di

Riyaz Khairabadi

---

---

zara jo hum ne unhen aaj mehrban dekha
na hum se puchhiye kya rang-e-asman dekha

Riyaz Khairabadi

---

---

zer-e-masjid mai-kada mein mai-kade mein mast-e-KHwab
chaunk uTha jab di moazzin ne azan baala-e-sa

Riyaz Khairabadi

---

---

zarf-e-wazu hai jam hai ek KHam hai ek subu
ek boriya hai main hun meri KHanqah hai

Riyaz Khairabadi

---

---