حور پر آنکھ نہ ڈالے کبھی شیدا تیرا
سب سے بیگانہ ہے اے دوست شناسا تیرا

رند لکھنوی

---

---

امسال فصل گل میں وہ پھر چاک ہو گئے
اگلے برس کے تھے جو گریباں سیے ہوئے

رند لکھنوی

---

---

عشق کچھ آپ پہ موقوف نہیں خوش رہئے
ایک سے ایک زمانے میں طرحدار بہت

رند لکھنوی

---

---

کعبے کو جاتا کس لیے ہندوستاں سے میں
کس بت میں شہر ہند کے شان خدا نہ تھی

رند لکھنوی

---

---

کافر ہوں نہ پھونکوں جو ترے کعبے میں اے شیخ
ناقوس بغل میں ہے مصلیٰ نہ سمجھنا

رند لکھنوی

---

---

کریم جو مجھے دیتا ہے بانٹ کھاتا ہوں
مرے طریق میں تنہا خوری حلال نہیں

رند لکھنوی

---

---

خاک چھنواتی ہے دیوانوں سے اپنے مدتوں
وہ پری جب تک نہ کر لے در بدر ملتی نہیں

رند لکھنوی

---

---

کھلی ہے کنج قفس میں مری زباں صیاد
میں ماجرائے چمن کیا کروں بیاں صیاد

رند لکھنوی

---

---

کسی کا کوئی مر جائے ہمارے گھر میں ماتم ہے
غرض بارہ مہینے تیس دن ہم کو محرم ہے

رند لکھنوی

---

---