پھر وہی کنج قفس ہے وہی صیاد کا گھر
اور دو روز ہوا باغ میں کھا لے بلبل

رند لکھنوی

---

---

مژدہ باد اے بادہ خوارو دور واعظ ہو چکا
مدرسے کھودے گئے تعمیر مے خانہ ہوا

رند لکھنوی

---

---

مزا پڑا ہے قناعت کا عہد طفلی سے
میں سیر ہو کے نہ پیتا تھا شیر مادر کو

رند لکھنوی

---

---

موت آ جائے قید میں صیاد
آرزو ہو اگر رہائی کی

رند لکھنوی

---

---

مے کش ہوں وہ کہ پوچھتا ہوں اٹھ کے حشر میں
کیوں جی شراب کی ہیں دکانیں یہاں کہیں

رند لکھنوی

---

---

مے پلا ایسی کہ ساقی نہ رہے ہوش مجھے
ایک ساغر سے دو عالم ہوں فراموش مجھے

رند لکھنوی

---

---

لیلیٰ مجنوں کا رٹتی ہے نام
دیوانی ہوئی ہے بک رہی ہے

رند لکھنوی

---

---

لائے گی گردش میں تجھ کو بھی مری آوارگی
کو بہ کو میں ہوں تو تو بھی در بدر ہو جائے گا

رند لکھنوی

---

---

کیا سن چکے ہیں آمد فصل بہار ہاتھ
جاتے ہیں سوئے جیب جو بے اختیار ہاتھ

رند لکھنوی

---

---